ИНФОРМАЦИЈА: Активности на Државниот санитарен и здравствен инспекторат во сегментот надзорот над увоз за 2023 година
Во текот на 2023 година, до Државниот санитарен и здравствен инспекторатот поднесени се вкупно 13417 барања за одобрен увоз лиценца I008 . Сите барања се решени во законски рокови . Број на земени примероци за лабораториско испитување 304 примероци и тоа 107 мостри детски играчки и 197 мостри козметички производи и предмети за општа употреба.
Во текот на надзорите над увоз е постапувано согласно законските прописи кои ја регулираат безбедноста на козметички производи детски играчки и предмети за општа употреба.
На почеток на 2023 до секој инспектор доставен е Годишен план за земање примероци (ГПЗП) – Стратегија што ги одредува степенот и зачестеноста на земањето примероци задолжителни за увезените стоки, утврдено врз основа на анализа на ризик. Ефективна и ефикасна контрола на стоките во меѓународната трговија игра важна улога во обезбедувањето на соодветно ниво на заштита на здравјето и безбедноста на луѓето .
- Тестирани примероци
Во 2023 година вкупно лабораториски тестирани се 304 примероци во ЈЗУ Институт за Јавно Здравје . Во текот на 2023 година од увоз нема небезбедни производи.
- Во сите случаи кога се доставува примерок за лабораториско тестирање пратката од увоз се става под здравствен надзор и е забранет промет со истата до добивање на резултат од лабораторија за безбедност на производот .
- Инспекцискиот надзор над увоз и земањето примероци од увезените производи за лабораториско тестирање во моментот на влегување во земјата е важна и оправдана мерка за да се заштити здравјето и безбедноста на домашните потрошувачи.
- Истовремено, овие инспекцискии контроли може да резултираат со доцнење на транспортираните стоки и да предизвикаат директни дополнителни трошоци за увозникот.
- Цел на контролата е постигнување на рамнотежа помеѓу заштитата на здравјето и безбедноста на домашниот потрошувач и олеснување на меѓународната трговија.
Промени во EXIM во текот на 2023 година:
Две тарифни ознаки 3402 и 3405 не се веќе дел од лиценца I008 , односно не се во надлежност на ДСЗИ.
- 3402- Органски површински активни средства (освен сапун); површински активни препарати, препарати за перење (вклучувајќи помошни препарати за перење) и препарати за чистење, со додаток или без додаток на сапун, освен оние од тар. број 3401:
- 3405 -Политури и кремови, за обувки, мебел, подови, каросерии, стакло или метал, пасти и прашоци за чистење и слични препарати.
Исто така донесен е нов правилник.
- Правилник за начинот на пресметување и висина на трошоци на инспекциски надзор во постапките поведени по барање на странка.
Службен весник бр.240/2023 , објавен на ден 14.11.2023 година.
Промена во поднесување на документи во EXIM . Се доставува известување за отпочнување со вршење на дејност за магацин за складирање наместо решение за утврдување на минимално технички услови (ХТП) .
Планирања за 2024 година.
Во текот на декември 2023 година доставен е распоред за работа на инспекторите за сите терминали и индивидуален план за земање на примероци согласно годишен план за земање примероци.
Планирани се вкупно 103 мостри од увоз : 52 мостри козметички производи, 49 мостри детски играчки и 2 мостри предмети за општа употреба .
Во текот на 2024 година се планира ревидирање на надлежностите на ДСЗИ во тарифните ознаки кои се дел од лиценца I008.
